متعة العلوم: ماث

‏إظهار الرسائل ذات التسميات ماث. إظهار كافة الرسائل

الأحد، 19 نوفمبر 2017

ازاى نعلم الطفل يقارن الارقام الاصغر من عشرة

فيه بعض المفاهيم فى الرياضيات بتبقى صعبة على الاطفال فى السن الصغير من ضمنها ازاى يقارن رقمين
هنبدأ ان شاء الله ازاى نعلم الطفل يقارن رقمين اقل من عشرة

الاول هنطبع شكل التمساح من الرابط الموجود وده مدونة اجنبية

/https://www.themeasuredmom.com/less-than-greater-than-math-activity-using-toys/

الاول هنقول للطفل ان التمساح بيفتح فمه وبيحب يأكل العدد الاكبر

بعد كده علشان الطفل يحدد الرقم الاكبر الافضل ان احنا نعمله انشطة يعنى يقارن عن طريق حاجة واقعية وملموسة يشوفها بعينه او يعملها بايده

فى الصورة ده ممكن نستخدم حبات ذرة او فاصوليا او لوبيا او اى حاجة قابلة للعد
كمان ممكن يمثل الارقام بالمكعبات وده نشاط مفيد للطفل البصرى

بنخلى الطفل يمثل الرقم الموجود فى المسألة بالمكعبات
او ممكن الطفل يرسم عمود مكون من عدد من المربعات يساوى العدد الموجود فى المسألة ويقارن بينهم مين اطول

يعنى مثلا لو الطفل هيقارن بين خمسة وتمانية هنرسم عمود مكون من خمسة مربعات والتانى مكون من ثمانية مربعات ونخلى الطفل يشوف من الاكبر يبقى هو ده اللى التمساح هيأكله

الخميس، 19 يناير 2017

ازاى نستخدم المكعبات فى تعليم الطفل ؟

المكعبات من الوسائل سهلة الاستخدام رخيصة الثمن متوافرة فى كل البيوت ولكن مجهولة الاستخدام

1-تعليم الانماط:

احد الاستخدامات اللى ممكن نستخدم فيها المكعبات هى الانماط وده شبه سؤال اكمل بنفس التسلسل كده فى المنهج المصرى
ايه فايده الانماط ؟
بتعلم الطفل التفكير المنطقى
هنعلمها للطفل ازاى ؟
الام هتعمل نمط معين مثلا احمر وابيض واحمر وابيض
هتسال الطفل ايه اللون الاول وايه اللون التانى وايه اللون التالت وايه اللون الرابع
وبعد كده هتطلب من الطفل انه يعملهم بنفس الترتيب لوحده
هتغير النمط وتعمل انماط مختلفة
بعدها هتلاقى الطفل بدأ يكون هو انماط لوحده

2-تعليم العد والتصنيف :

هتطلبى من الطفل يحط عدد من المكعبات مساوى للرقم المكتوب
يعنى مثلا لو رقم تلاتة ممكن تقوليله حط 3 مكعبات كلهم لونهم احمر

3-تعليم التطابق :

هيحط مجموعة من المكعبات شبه الالوان الموجودة فى الورقة

4-تعليم الكسور :

الام هتكتب مجموعة من الكسورفى ورق وهتطلب من الطفل انه يعمل الكسور ده بالمكعبات
الناس اللى ولادها فى تانية ابتدائى بيبقى عليهم سؤال اسمه لون الكسر ممكن يعمله افضل بالمكعبات هيبقى مسلى اكتر

montessori rods-5

اللى بتستخدم فى تعليم الاطفال الماث

6-تعليم الأشكال :

المربع والمثلث والمستطيل

الاثنين، 16 يناير 2017

ازاى نفهم الطفل مفهوم الكسور ؟

الاول هنفهمه يعنى ايه كسر

يعنى جزء من حاجة يعنى حته من الشيكولاتة او جزء من تفاحة مثلا

تانى حاجة الجزء ده ممكن يكون كبير وممكن يكون صغير هنحدد حجمه ازاى

هناخد مثال تفاحة ونشرح عليها

الاول هنقعطها نصفين هنسأل الطفل عن عدد القطع هيقول اتنين هنقوله ده المقام او لو الصغير هنقوله ده الرقم اللى تحت

هتدى الطفل قطعة وهتساليه انت اخدت كام قطعة هيقولك واحدة هيبقى ده البسط او الرقم اللى فوق

وبعد كده هتعرفيه ان ده اسمها نصف الكمية او النصف وهتوريه ان الجزئيين متساويين فى الحجم.

ممكن تعملى عجينة زى اللى فى الصورة وتبدأى تعلميه عليها بقية الكسور

يعنى التلت هتقطعى العجينة 3 قطع وهكذا

وده مجموعة من الانشطة مختلفة علشان يفهم معنى الكسور

لمتابعة المزيد من الموضوعات الممتعة:
https://scienceducation1.blogspot.com.eg/
https://www.facebook.com/Active-learning-1869637769936382/

الأحد، 25 ديسمبر 2016

ازاى نعلم الطفل جدول الضرب بالمكعبات

نشاط لتقديم مفهوم الضرب للطفل فى الصف الاول والثانى

اهمية النشاط:

ده نشاط من النشاطات متعددة الاهداف .. يعنى مش بس هيعلم الطفل الضرب لا كمان هيعلمه تكوين مجموعات وتكوين انماط ( اللى هى اكمل بنفس التسلسل ) والقسمة والجمع وخاصية التبديل الموجودة فى عملية الضرب يعنى 3*4 هى ال 4*3

* كمان النشاط ده اكثر فائدة للمتعلمين البصريين والحسيين وكمان الاطفال اللى فشلت معاهم الطريقة التقليدية فى تعلم جدول الضرب

ما نحتاجه لعمل النشاط:

* قاعدة عريضة (كرتونة كبيرة )

* 15 مكعبة خضراء

* 30 مكعبة برتقالى

* 45 مكعبة صفراء

* 60 مكعبة زرقاء

* 75 مكعبة حمراء

الخطوات :

قبل ما نبدأ النشاط هنفهم الطفل يعنى ايه عملية الضرب ... يعنى جمع متكرر

ال2*2 معناها ال2 متكررة مرتين

ال3*2 معناها ال3 متكررة مرتين

ال2*3 معناها ال2 متكررة ثلاث مرات وهكذا

1- هنرقم القاعدة بالارقام من 1 لغاية 5 زى الصورة

2- هتفهم الطفل ان فيه جنب هيمثل الرقم والجنب التانى عدد مرات تكرار الرقم بمعنى ال3*2 هتتعمل 3 مكعبات حمراء و3 مكعبات زرقاء مثلا زى الصورة

3- الطفل هيبدأ يلاحظ شكل العامود اللى بيمثل كل جدول ضرب ويقارن

الجمعة، 23 ديسمبر 2016

أنشطة لتعليم الكسور للاطفال


انشطة لتعليم الكسور

لكى يستطيع الطفل فهم الكسور فان استخدام النماذج الملموسة التى يستطيع الطفل ان يراها بعينه هى الحل الافضل . يحتاج الطفل للتفاعل مع نماذج مرئية قبل معرفة الكسور على الورق

ده مجموعة من الانشطة هتحسن فهم الطفل للكسور ومش بتاخد وقت كتيير ومش محتاجة فلوس علشان تتنفذ

1- خط الأعداد بالشاليمو :

خط الاعداد مفيد عند شرح مفهوم الكسور للاطفال . هو بيسمح للطفل انه يرى تمثيل بصرى للكسور وفهم افضل لعلاقة الجزء بالكل ( يعنى النص مثلا بيمثل اد ايه من الشى الموجود)

خط الاعداد سهل عمله

2- كتل الانماط او ال building Block

يستطيع الطفل اكتشاف مفهوم الكسور المتساوية او مفهوم اكبر من او اصغر من عن طريقهم

ممكن تقدما للطفل بانك تقوله اذا كان الشكل السداسى يساوى واحد كامل يبقى الملثلث يساوى كام من الشكل ده يعنى هنكرره كام مرة علشان يكون الشكل زى اللى فى الصورة

ميزة ال building blocks انها بتوصل للطفل مفهوم ان الواحد الصحيح او الكل مختلف يعنى ممكن يشوف الكل (الواحد الصحيح ) ممكن يكون مربع او شكل خماسى او شكل سداسى وده هو المفتاح لفهمه للكسور

ممكن تتعمل من الكرتون او روق مقوى

3- Tangrams:

ال tangramsبتقدم فهم مماثل زى ال building blocks والام ممكن تستخدم الطريقتين علشان تاكد على مفهوم ان الواحد الصحيح او الكل ممكن يكون اشكال مختلفة

لو المربع اللى فى الصورة يمثل 1/8 اعمل مثلث يمثل واحد صحيح

4 - المكعبات :

سهلة ورخيصة وموجودة فى كل بيت

المكعبات

5- الدومينو:

الام تستخدمهم فى الاخر بعد ما يكون الطفل فهم الكسور كويس . ممكن بيلعب بيهم حرب الكسور وده لعبه جماعية اللى معاه الكسر الاكبر هو اللى هيفوز

الأربعاء، 21 ديسمبر 2016

تعليم الطفل القيمة المكانية بالمكعبات

ازاى نعلم الطفل القيمة المكانية بالمكعبات؟

كل اللى هنحتاجه مكعبات وقلم marker بيتمسح

كل مكعبة هتمثل قيمة الاصغر هتمثل الاحاد ومكعبين مع بعض هيمثلوا العشرات و3 مكعبات هيمثلوا المئات و4 مكعبات مع بعض هيمثلوا الالف زى اللى فى الصورة

عرفهم ازاى ان اكبر رقم لازم يكون هوالقاعدة بتاعة البرج واصغر واحد يبقى فو ق علشان يقف متزن

وبعد كده يبدأ يكتب الارقام ويعمل القيمة المكانية بالمكعبات

او ممكن بالكروت كده :

وده نشاط تالت

الأربعاء، 23 نوفمبر 2016

المكعبات تجعل الرياضيات اكثر متعة

المكعبات تجعل الرياضيات اكثر متعة

لاشك ان بعض الاطفال لا يحب الرياضيات بسبب طرق التعليم التقليدية .. ده بعض الانشطة لتعلم الرياضيات بطريقة اكثر متعة عن طريق المكعبات اللى موجودة تقريبا فى اى بيت ..

*أكبر من أو أصغر من :

المكعبات اداة عظيمة للمتعلمين البصريين عن طريق عمل عامود من المكعبات يمثل الاعدادالموجودة فى المسألة او على الكروت