متعة العلوم: الاطفال

‏إظهار الرسائل ذات التسميات الاطفال. إظهار كافة الرسائل

السبت، 28 يناير 2017

البالون والهواء الساخن

تجربة ممتعة تعلم الأطفال تأثيردرجة الحرارة على حجم الهواء( الهواء الساخن والهواء البارد على البالونة) . سهلة التنفيذ ومثيرة لاهتمام الأطفال

ماذا تحتاج للنشاط؟

1- وعائين واحد مليان مياه باردة وثلج والأخر مليان مياه ساخنة من الحنفية
2- بالونة
3- زجاجة مياه 1 لتر او 2 لتر . كل اما حجم الزجاجة زاد كل اما الحيز اللى الهواء هيدفعه ويتمدد
لا تستخدم مياه مغلية فقط مياه ساخنة من الحنفية

الخطوات :

قبل ما تبدأى الخطوات أسالى طفلك عن توقعاته عن النتيجه واديه فرصة للسؤال والمناقشة الهدف من النشاط انه يتعلم يفكر بطريقة منطقية يعنى يشغل دماغه مش ينقذ وخلاص
انفخ البالونة علشان تتمدد وتبقى اكثر مرونة وبعد كده طلعى الهوا منها
حطى البالونة على فتحة زجاجة بلاستيك فارغة
حطى الزجاجة فى وسط الاناء المملوء بالماء الساخن . انتظرى لعدة دقائق سوف تبدأ البالونة فى الانتفاخ والتمدد
شيلى الزجاجة من الماء الساخن وضعيه فى اناء الماء البارد والثلج . انتظرى لعدة دقائق سوف تبدأ البالونة فى الانكماش
خلى الطفل يكرر الخطوات عدة مرات

التجارب والأنشطة العلمية فرصة عظيمة علشان الطفل يربط بين خبرات الحياة والعلوم .زى النشاط ده ورياضة ركوب منطاد الهواء الساخن

الانشطة العلمية بتشجع الطفل انه يسأل وبتنمى التفكير العلمى عنده زى انه يعمل توقع لخطوة ويلاحظ ويقارن ويحاول يعرف السبب
ويسجل الملاحظات ويستنتج

التفسير:

عند وضع الزجاجة فى الماء الساخن فان حجم الهواء الموجود فى الزجاجة يزداد وبالتالى يصبح اقل كثافة فيرتفع الى اعلى ليحل محل الهواء البارد فى الاعلى وبالتالى يتسبب فى انتفاخ البالون
عند وضع الزجاجة ف الماء البارد فان حجم الهواء يقل ويصبح اكثر كثافة وينزل الى اسفل وتنكمش البالون

الجمعة، 27 يناير 2017

جسم الانسان : اتعلم عن القلب

النشاط مناسب للاطفال فى عمر 8 سنوات

تقوم الام بعمل نماذج مشابهة للموجودة فى الصور

المعلومات اللى ممكن يعرفها فى السن ده :

القلب عبارة عن عضلة قوية تتكون من اربع حجرات زى بيت فيه اربع غرف وده صورة ممكن توضح المعنى اكتر

الاربع حجرات هما :

بطين أيمن & أذين أيمن

بطين أيسر & أذين أيسر

القلب بيضخ الدم الى الجسم من خلال هذه الحجرات . الدم الذى يحتوى على كمية قليلة من الاكسجين(فى الصورة بيبقى لونه ازرق) بيصل الناحية اليمنى من القلب . من هذه الناحية بيتم ضخه الى الرئة حيث يصبح غنى بالأكسجين( فى الصورة لونه أحمر) ثم يعود مرة أخرى الى الناحية اليسرى من القلب ومنها الى بقية اجزاء الجسم

وده فيديو كويس عن الجهاز الدورى

وده فيديو كمان

وده فيديو اخر

الموضوع القادم هيبقى ازاى القلب بيضخ الدم ؟

الخميس، 19 يناير 2017

ازاى نستخدم المكعبات فى تعليم الطفل ؟

المكعبات من الوسائل سهلة الاستخدام رخيصة الثمن متوافرة فى كل البيوت ولكن مجهولة الاستخدام

1-تعليم الانماط:

احد الاستخدامات اللى ممكن نستخدم فيها المكعبات هى الانماط وده شبه سؤال اكمل بنفس التسلسل كده فى المنهج المصرى
ايه فايده الانماط ؟
بتعلم الطفل التفكير المنطقى
هنعلمها للطفل ازاى ؟
الام هتعمل نمط معين مثلا احمر وابيض واحمر وابيض
هتسال الطفل ايه اللون الاول وايه اللون التانى وايه اللون التالت وايه اللون الرابع
وبعد كده هتطلب من الطفل انه يعملهم بنفس الترتيب لوحده
هتغير النمط وتعمل انماط مختلفة
بعدها هتلاقى الطفل بدأ يكون هو انماط لوحده

2-تعليم العد والتصنيف :

هتطلبى من الطفل يحط عدد من المكعبات مساوى للرقم المكتوب
يعنى مثلا لو رقم تلاتة ممكن تقوليله حط 3 مكعبات كلهم لونهم احمر

3-تعليم التطابق :

هيحط مجموعة من المكعبات شبه الالوان الموجودة فى الورقة

4-تعليم الكسور :

الام هتكتب مجموعة من الكسورفى ورق وهتطلب من الطفل انه يعمل الكسور ده بالمكعبات
الناس اللى ولادها فى تانية ابتدائى بيبقى عليهم سؤال اسمه لون الكسر ممكن يعمله افضل بالمكعبات هيبقى مسلى اكتر

montessori rods-5

اللى بتستخدم فى تعليم الاطفال الماث

6-تعليم الأشكال :

المربع والمثلث والمستطيل

الاثنين، 16 يناير 2017

ازاى نفهم الطفل مفهوم الكسور ؟

الاول هنفهمه يعنى ايه كسر

يعنى جزء من حاجة يعنى حته من الشيكولاتة او جزء من تفاحة مثلا

تانى حاجة الجزء ده ممكن يكون كبير وممكن يكون صغير هنحدد حجمه ازاى

هناخد مثال تفاحة ونشرح عليها

الاول هنقعطها نصفين هنسأل الطفل عن عدد القطع هيقول اتنين هنقوله ده المقام او لو الصغير هنقوله ده الرقم اللى تحت

هتدى الطفل قطعة وهتساليه انت اخدت كام قطعة هيقولك واحدة هيبقى ده البسط او الرقم اللى فوق

وبعد كده هتعرفيه ان ده اسمها نصف الكمية او النصف وهتوريه ان الجزئيين متساويين فى الحجم.

ممكن تعملى عجينة زى اللى فى الصورة وتبدأى تعلميه عليها بقية الكسور

يعنى التلت هتقطعى العجينة 3 قطع وهكذا

وده مجموعة من الانشطة مختلفة علشان يفهم معنى الكسور

لمتابعة المزيد من الموضوعات الممتعة:
https://scienceducation1.blogspot.com.eg/
https://www.facebook.com/Active-learning-1869637769936382/

الخميس، 12 يناير 2017

4 تحديات هندسية للاطفال

(مناسب للاطفال من5-7 سنوات )

ما نحتاجه لعمل النشاط:

مكعبات خشب صغيرة
اكواب بلاستيك
خافض لسان

التحدى الاول : ( بناء تركيب بمكعب فى القاعدة ):

الام هتعمل هى النشاط اول مرة وبعد كده هيحاول الطفل يعمله او يعمل افكار مختلفة

التحدى الثانى (استخدام اى حجم للقاعدة لبناء اطول تركيب ممكن ):

التحدى الثالث ( تفاعل السلسة )

التحدى الرابع (بناء لمعرفة التوازن )

راب المقال الاصلى للامانة :
http://frugalfun4boys.com/2015/06/11/4-engineering-challenges-kids/#comments

نشاط لتعلم الارقام عن طريق الرماية

مناسب للاطفال من عمر 5-7 سنوات

ده نشاط حلو للاطفال الحركيين بيعلم الطفل التركيز والرماية وفى نفس الوقت بتعلم الارقام وسهل تنفيذه

الحاجات اللى هنحتاجها لعمل النشاط :

كرتونة مش محتاجنها هنعيد استخدامها
كور بلاستيك
مسدس شمع او حاجة تلزق
بكر مناديل

الخطوات :

هنلزق بكر المناديل فى بعضه نعمل بيه عمود
هنكتب الارقام اللى محتاجين الطفل يتعلمها على ورق ونلزقها على بكر المناديل
نضع الكور على بكر المناديل
هنطلب من الطفل ان يصوب على الكرة الموجودة على عمود معين

رابط الموضوع الاصلى للامانة :
http://frugalfun4boys.com/2016/11/24/knock-balls-nerf-target-game/

الاثنين، 26 ديسمبر 2016

هل يطفو العنب ام يغوص؟

فى الصورة العنب بيطفو مرة وبيغوص مرة اخرى.

اللى هنحتاجه فى التجربة :

كمية من العنب
2 كوب زجاج
ملح
عصا للتقليب
مياه

الخطوات :

نقوم بملأ الاكواب بالماء
قم بوضع العنب فى احد الكوبين . سوف يغوص العنب
فى الكوب الاخر قم بوضع كمية وفيرة من الملح ثم قم بالتقليب
استمر فى وضع الملح حتى لا يستطيع الملح الذوبان اى يصبح المحلول مشبع
ضع باقى العنب فى الماء . سوف يطفو العنب

التفسير :

لماذا تطفو بعض الاجسام وتغوص الاخرى؟
بسبب الكثافة
اذا ما هى الكثافة ؟
هى كتلة وحدة الحجوم من المادة بمعنى لو عندك مادتين بنفس الحجم بس واحدة كتلتها (وزنه) اكبر هيبقى كثافتها اعلى
طفو مادة ما فى الماء بيتحدد بمقارنة كثافتها بكثافة الماء.اذا كانت كثافتها اعلى من كثافة الماء سوف تغوص . اذا كانت كثافتها اقل من الماء سوف تطفو
العنب كثافته اعلى من كثافة الماء لذلك يغوص عند وضعه فى الماء
- اضافة الملح للماء يزيد من كتلة الماء دون تغيير فى حجمها فبالتالى تزداد كثافة الماء
- عندما تصبح كثافة الماء اعلى يطفوالعنب
- وهذا يوضح لماذا تطفو الاجسام اسهل فى المحيطات
- اشهر الامثلة هو البحر الميت تطفو فيه الاجسام اسهل لشدة ملوحته وارتفاع كثافة مياهه

المجال المغناطيسى ثلاثى الأبعاد

ده تجربة للطفل علشان يعرف ايه هو المجال المغناطيسى

اللى هنحتاجه فى التجربة

مغنايس قوى اكتر من واحد
برادة حديد
برطمان بلاستيك او زجاج

الخطوات

الصق المغناطيس على جانبى البرطمان واتأكد ان الاقطاب المختلفة تواجه بعضها البعض
ضع برادة الحديد فى البرطمان واقفلها باحكام
اقلب البرطمان لغاية اما برادة الحديد تلزق فى البرطمان
لاحظ ازاى البرادة اتوزعت فى البرطمان