البالون والهواء الساخن
تجربة ممتعة تعلم الأطفال تأثيردرجة الحرارة على حجم الهواء( الهواء الساخن والهواء البارد على البالونة) . سهلة التنفيذ ومثيرة لاهتمام الأطفال
ماذا تحتاج للنشاط؟
2- بالونة
3- زجاجة مياه 1 لتر او 2 لتر . كل اما حجم الزجاجة زاد كل اما الحيز اللى الهواء هيدفعه ويتمدد
لا تستخدم مياه مغلية فقط مياه ساخنة من الحنفية
الخطوات :
- قبل ما تبدأى الخطوات أسالى طفلك عن توقعاته عن النتيجه واديه فرصة للسؤال والمناقشة الهدف من النشاط انه يتعلم يفكر بطريقة منطقية يعنى يشغل دماغه مش ينقذ وخلاص
- انفخ البالونة علشان تتمدد وتبقى اكثر مرونة وبعد كده طلعى الهوا منها
- حطى البالونة على فتحة زجاجة بلاستيك فارغة
- حطى الزجاجة فى وسط الاناء المملوء بالماء الساخن . انتظرى لعدة دقائق سوف تبدأ البالونة فى الانتفاخ والتمدد
- شيلى الزجاجة من الماء الساخن وضعيه فى اناء الماء البارد والثلج . انتظرى لعدة دقائق سوف تبدأ البالونة فى الانكماش
- خلى الطفل يكرر الخطوات عدة مرات
الانشطة العلمية بتشجع الطفل انه يسأل وبتنمى التفكير العلمى عنده زى انه يعمل توقع لخطوة ويلاحظ ويقارن ويحاول يعرف السبب
ويسجل الملاحظات ويستنتج
التفسير:
عند وضع الزجاجة فى الماء الساخن فان حجم الهواء الموجود فى الزجاجة يزداد وبالتالى يصبح اقل كثافة فيرتفع الى اعلى ليحل محل الهواء البارد فى الاعلى وبالتالى يتسبب فى انتفاخ البالونعند وضع الزجاجة ف الماء البارد فان حجم الهواء يقل ويصبح اكثر كثافة وينزل الى اسفل وتنكمش البالون
روعة جزاك الله خيرا
ردحذف