هل يطفو العنب ام يغوص؟

هل يطفو العنب ام يغوص؟

فى الصورة العنب بيطفو مرة وبيغوص مرة اخرى.

اللى هنحتاجه فى التجربة :

1. كمية من العنب
2. 2 كوب زجاج
3. ملح
4. عصا للتقليب
5. مياه

الخطوات :

1. نقوم بملأ الاكواب بالماء
2. قم بوضع العنب فى احد الكوبين . سوف يغوص العنب
3. فى الكوب الاخر قم بوضع كمية وفيرة من الملح ثم قم بالتقليب 
4. استمر فى وضع الملح حتى لا يستطيع الملح الذوبان اى يصبح المحلول مشبع 
5. ضع باقى العنب فى الماء . سوف يطفو العنب 

التفسير :

لماذا تطفو بعض الاجسام وتغوص الاخرى؟
بسبب الكثافة 
اذا ما هى الكثافة ؟
هى كتلة وحدة الحجوم من المادة بمعنى لو عندك مادتين بنفس الحجم بس واحدة كتلتها (وزنه) اكبر هيبقى كثافتها اعلى 
طفو مادة ما فى الماء بيتحدد بمقارنة كثافتها بكثافة الماء.اذا كانت كثافتها اعلى من كثافة الماء سوف تغوص . اذا كانت كثافتها اقل من الماء سوف تطفو 
العنب كثافته اعلى من كثافة الماء لذلك يغوص عند وضعه فى الماء
- اضافة الملح للماء يزيد من كتلة الماء دون تغيير فى حجمها فبالتالى تزداد كثافة الماء
- عندما تصبح كثافة الماء اعلى يطفوالعنب 
- وهذا يوضح لماذا تطفو الاجسام اسهل فى المحيطات 
- اشهر الامثلة هو البحر الميت تطفو فيه الاجسام اسهل لشدة ملوحته وارتفاع كثافة مياهه

الطفو (نشاط البرتقالة )

الطفو (نشاط البرتقالة )

نشاط مناسب للاطفال من سن 3 -8 سنوات 

اللى هنحتاجه لعمل النشاط:

*كوباية طويلة 
* برتقالة او يوسفى
* مياه  
يطفو ام  يغوص؟

هتسالى الطفل لو حطينا البرتقالة فى المياه هتطفو ولا هتغوص وهتشوفى اجابته ايه 

بعد كده هتطلبى منه يقوم بوضع مياه فى الكوباية وبعد كده يقوم بوضع البرتقالة ويشوف ايه اللى هيحصل

هتشوفى رايه صح ولا لا 

 بعد كده هتطلبى منه يقشر البرتقالة ويرجع يضعها تانى فى المياه  وتساليه هى هتطفو ولا هتغوص

 التفسير العلمى :
ليه البرتقالة بعد اما اتقشرت غاصت على الرغم من انها المفروض بقت اخف
قابلية الجسم للطفو او الغوص بيتحدد بقاعدة أرشميدس اللى بتقول ان اى جسم فى سائل بيتم دفعه لاعلى بقوة تساوى وزن السائل الذى يزيحه (اللى بياخد مكانه)

عند وضع البرتقالة فى الماء كان هناك قوتان تؤثران عليها فى اتجاهين متضادين :
1 -  قوة الجاذبية تسحب البرتقالة لاسفل بقوة تساوى وزن البرتقالة
2- قوة الطفو تدفع البرتقالة لاعلى بقوة تساوى حجم  الماء الذى تزيحه 
قشر البرتقالة يساعدها ان تزيح ماء اكثر  لانه يحتوى على فراغات صغيرة تحتوى على هواء  فيساعدها على التغلب على قوى الجاذبية فتطفو 
بعد تقشير البرتقالة تقل كمية المياه التى تزيحها (قوة الطفو) وتتغلب قوى الجاذبية وتغوص البرتقالة لاسفل 

رابط المقال الاصلى :
 http://www.playdoughtoplato.com/orange-buoyancy-science-experiment/