تجربة الدومينو

تجربة الدومينو

تجربة الدومينو مدخل كويس علشان تفهمى الطفل قياس السرعة 

فائدة التجربة:

1. الطفل يكتشف السبب والنتيجة ( التفكير المنطقى )
2. الطاقة الحركية 

التجربة مناسبة للأطفال من سن الحضانة حتى المرحلة الابتدائية 

ما نحتاج اليه فى التجربة:

1. 20-30 قطعة دومينو
2. مسطرة
3. ساعة ايقاف
4. مكان مستو لوضع الدومينو

الخطوات :

• ضع الدومينو فى خط مستقيم 
• استخدمى المسطرة علشان تخلى المسافة بين الدومينو متساوية 
• هتسألى الطفل أى مسافة بين الدومينو هتدى اعلى سرعة 

•  قيس المسافة الكلية بتاعة الدومينو
• اضغط على اخر دومينو فى السلسلة واحسب الوقت اللى هتاخده كل الدومينو علشان تقع 
• اقسم المسافة الكلية بتاعة الدومينو على الوقت اللى هتاخده علشان تقع هتطلع متوسط السرعة 

• غير المسافة بين قطع الدومينو واحسب السرعة مرة أخرى 
• اعلى سرعة هتحصل اما تكون المسافة بين قطع الدومينو نصف طول قطعة الدومينو 

ممكن كمان تخلى الطفل بدل ما يعمل خط مستقيم يعمل مسار منحنى 
التجربة ده ممكن يعملها طفل فى سن الحضانة بس محتاجة صبر وهارات حركية دقيقة . الطفل فى السن ده هيستفيد بأنه هيشوف تفاعل السلسلة 
رابط المقال الاصلى للامانة :
http://inspirationlaboratories.com/domino-experiment/

البالون والهواء الساخن

البالون والهواء الساخن 

تجربة ممتعة تعلم الأطفال تأثيردرجة الحرارة على حجم الهواء( الهواء الساخن والهواء البارد على البالونة) . سهلة التنفيذ ومثيرة لاهتمام الأطفال 

ماذا تحتاج للنشاط؟

1- وعائين واحد مليان مياه باردة وثلج والأخر مليان مياه ساخنة من الحنفية 
2- بالونة 
3- زجاجة مياه 1 لتر او 2 لتر . كل اما حجم الزجاجة زاد كل اما الحيز اللى الهواء هيدفعه ويتمدد
لا تستخدم مياه مغلية فقط مياه ساخنة من الحنفية 

الخطوات :

1. قبل ما تبدأى الخطوات أسالى طفلك عن توقعاته عن النتيجه واديه فرصة للسؤال والمناقشة الهدف من النشاط انه يتعلم يفكر بطريقة منطقية يعنى يشغل دماغه مش ينقذ وخلاص 
2. انفخ البالونة علشان تتمدد وتبقى اكثر مرونة وبعد كده طلعى الهوا منها 
3. حطى البالونة على فتحة زجاجة بلاستيك فارغة 
4. حطى الزجاجة فى وسط الاناء المملوء بالماء الساخن . انتظرى لعدة دقائق سوف تبدأ البالونة فى الانتفاخ والتمدد
5. شيلى الزجاجة من الماء الساخن وضعيه فى اناء الماء البارد والثلج . انتظرى لعدة دقائق سوف تبدأ البالونة فى الانكماش 
6. خلى الطفل يكرر الخطوات عدة مرات 

التجارب والأنشطة العلمية فرصة عظيمة علشان الطفل يربط بين خبرات الحياة والعلوم .زى النشاط ده ورياضة ركوب منطاد الهواء الساخن 

الانشطة العلمية بتشجع الطفل انه يسأل وبتنمى التفكير العلمى عنده زى انه يعمل توقع لخطوة ويلاحظ ويقارن ويحاول يعرف السبب 
ويسجل الملاحظات ويستنتج

التفسير:

عند وضع الزجاجة فى الماء الساخن فان حجم الهواء الموجود فى الزجاجة يزداد وبالتالى يصبح اقل كثافة فيرتفع الى اعلى ليحل محل الهواء البارد فى الاعلى وبالتالى يتسبب فى انتفاخ البالون 
عند وضع الزجاجة ف الماء البارد فان حجم الهواء يقل ويصبح اكثر كثافة وينزل الى اسفل وتنكمش البالون

جسم الانسان : اتعلم عن القلب

جسم الانسان : اتعلم عن القلب 

النشاط مناسب للاطفال فى عمر  8 سنوات 

 

تقوم الام بعمل نماذج مشابهة للموجودة فى الصور 

المعلومات اللى ممكن يعرفها فى السن ده :

القلب عبارة عن عضلة  قوية تتكون من اربع حجرات زى بيت فيه اربع غرف وده صورة ممكن توضح المعنى اكتر 

الاربع حجرات هما :

بطين أيمن & أذين أيمن

بطين أيسر  & أذين أيسر

  القلب بيضخ الدم الى الجسم من خلال هذه الحجرات . الدم الذى يحتوى على كمية قليلة من الاكسجين(فى الصورة بيبقى لونه ازرق) بيصل الناحية اليمنى من القلب . من هذه الناحية بيتم ضخه الى الرئة حيث يصبح غنى بالأكسجين( فى الصورة لونه أحمر) ثم يعود مرة أخرى الى الناحية اليسرى من القلب ومنها الى بقية اجزاء الجسم 

وده فيديو كويس عن الجهاز الدورى 

 

وده فيديو كمان 

وده فيديو اخر 

الموضوع القادم هيبقى ازاى القلب بيضخ الدم ؟

نشاط لتعليم الاطفال العد حتى 100

نشاط لتعليم الاطفال العد حتى100

النشاط مناسب للاطفال الحركيين اللى بيحبوا النط الكتيير 

اللعبة ده هتعلم الطفل العد لغاية 100 الطفل هيعد 10 و 20و 30 وهكذا لغاية 100

وهتنمى مهاراته الحركية 

هنعمل النشاط ازاى 

مجموعة مخدات هنحطهم على الارض وهنضع عليهم كروت مكتوب عليها الارقام من 10 لغاية 100

هتطلبى من الطفل ينط على رقم معين 

مع تكرار النشاط عدة مرات خلال الاسبوع هيكون الطفل عرف الارقام  
لزيادة الاثارة ممكن تعمليها مسابقة بين طفلين او اكثر

11 موقع مجانى لتعليم الرياضيات للأطفال

11 موقع مجانى لتعليم الرياضيات للأطفال 

الرياضيات بتصبح اكثر متعة عندما تتحول الى لعبة 

ده قائمة ب 11 موقع مجانى هتنمى مهارات طفلك الرياضية وفى نفس الوقت هيستمتع باللعب يعنى لعب وتعليم 

Fun Brain

هتلاقى العاب على حسب الموضوع او السن  

Math Blaster

الموقع ده مضمونه ان نجاحك بيعتمد على قدرتك على استخدام مهارات التفكير المنطقى 

الموقع بيجعل من الطالب بل على حسب مهارات التفكير النقدى والمنطقى لديه 

التسجيل مطلوب ولكن اللعبة نفسها مجانيه 

Multiplication.com

من خلال الموقع ده الاطفال بيتدربوا على تنميه مهاراتهم فى الرياضيات بطريقة ممتعة 

يوجد عليه موارد متاحة للمدرسين والاباء لتعليم اولادهم 

Learn Zillion

عليه دروس بتكمل المنهج اللى الطفل بيدرسه . بيحتوى على العاب اقل . 

Hooda Math

منطق واستنتاج , تدريب على المهارات الرياضية ,العاب تعليمية مجانية . العاب قليلة جدا بتتطلب تفكير اعلى لحل المسائل 

Manga High

بيقدم حزمة من الاشتراكات المجانية للاباء اللى بيعلموا ولادهم منزليا 

بيسمح للطلاب باللعب وتنمية المهارات الرياضية وبيسمح بالتنافس مع الكمبيوتر اومع لاعبين اخرين 

بيعطى المدرسين او الاباء الفرصة لمتابعة تقدم طلابهم ومعرفة نقاط الضعف لديهم

Math Game Time

مصمم للاطفال من مرحلة ما قبل الحضانة حتى جريد 7 الصف الاول الاعدادى .

Math Playground

الطفل بيلعب العاب فى مواضيع الجبر والهندة والكور ومواضيع اخرى كتير . الموقع كمان عليه مسائل لفظية وفيديوهات تاعد الالب ازاى يحل المسائل ده 

عليه قسم خاص بمنهج سنغافورة لرياضيات 

 cryptokids

الموقع بيركز على كتابة الأكواد. اللبة بيتعلموا اكتر عن التشفير وبيكونوا اكواد لوحدهم 

الموقع لا يركزعلى المهارات الرياضية الأساسية ولكن يركز على علم التشفير او cryptology وده بينمى مهارات التفكير الناقد

 BBC KS2 Bitesize

 الموقع بيقدم تدربيات على الكسور , الارقام العشرية ,الجمع والطرح ومواضيع أخرى كتييير 

 Cool Math Games

بيقدم الرياضيات بطريقة ممتعة وفريدة .

10 تطبيقات موبايل مجانية لتعليم الأطفال الرياضيات فى المرحلة الابتدائية

10 تطبيقات موبايل مجانية لتعليم الأطفال الرياضيات فى المرحلة الابتدائية 

ده مجموعة من المواقع لتعليم الرياضيات للاطفال فى اعمار مختلفة . الموقع مش كله مجانى بس بينزل جزء مجانى يوميا ممكن تستفيدوا بيه .. يا ريت اللى يجرب المواقع يكتب فى كومنت ايه عيوبها ومميزاتها وازاى الناس تستفيد منها 

 10Monkeys

 موقع يعرض تريبات رياضية بطريق مرحة. على حسب سن الطفل هيلاقى مواضيع مختلفة  فى الرياضيات . العضوية مطلوبة 
والا يمكن ان تستخدمه كزائر مجانا

Splash Math

 بعضوية مجانية ..يمكن ان تحل 20 مسألة فى الرياضيات مجانا كل يوم
والا ممكن تستخدمه كزائر مجانا

IXL

 يمكنك من حل 20مسألة فى الرياضيات مجانا كل يوم . الموقع بيغطى مواضيع فى الرياضيات من سن الحضانة حتى جراد 8
  يمكن ان تبحث بالموضوع او المرحلة السنية

A+Click

 الأطفال بيستخدموا مهارات التفكير المنطقى فى حل المسائل . يمكن حل التمارين عن طريق الموضوع اوالمرحلة العمرية

Oxford Owl 

 موقع بيعرض كتب مجانية فى الرياضيات والعاب رياضية . ممكن تبحث عن الالعاب على حسب عمر الطفل

 Khan Academy

بيعرض كورسات مجانية بتغطى مواضيع مختلفة فى الرياضيات . الطفل بيشوف الشرح وبيحل أسئلة عليه 
فيه تطبيق بيمكن المستخدم من مشاهدة الفيديوهات اما النت يفصل

   Funbrain

محتواه من الرياضيات شامل . ولكن عبارة عن العاب علشان الطفل يستمتع

Education.com

يوجد عليه انشطة والعاب ومواد يمكن طباعتها كثيرة . علشان توصل للالعاب هتضغط على كلمة game وتشوف الالعاب على حسب المرحلة العمرية 

الموقع ده بيسمح بحد معين من الاستخدام المجانى كل شهر 

MathTV

موقع بيعرض فيديوهات رياضيات مجانية

ازاى نستخدم المكعبات فى تعليم الطفل ؟

ازاى نستخدم المكعبات فى تعليم الطفل ؟

المكعبات من الوسائل سهلة الاستخدام رخيصة الثمن متوافرة فى كل البيوت ولكن مجهولة الاستخدام  

1-تعليم الانماط:  

احد الاستخدامات اللى ممكن نستخدم فيها المكعبات هى الانماط وده شبه سؤال اكمل بنفس التسلسل كده فى المنهج المصرى
ايه فايده الانماط ؟
بتعلم الطفل التفكير المنطقى
هنعلمها للطفل ازاى ؟
الام هتعمل نمط معين مثلا احمر وابيض واحمر وابيض
هتسال الطفل ايه اللون الاول وايه اللون التانى وايه اللون التالت وايه اللون الرابع
وبعد كده هتطلب من الطفل انه يعملهم بنفس الترتيب لوحده
هتغير النمط وتعمل انماط مختلفة
بعدها هتلاقى الطفل بدأ يكون هو انماط لوحده

 

2-تعليم العد والتصنيف :

هتطلبى من الطفل يحط عدد من المكعبات مساوى للرقم المكتوب
يعنى مثلا لو رقم تلاتة ممكن تقوليله حط 3 مكعبات كلهم لونهم احمر

3-تعليم التطابق :

هيحط مجموعة من المكعبات شبه الالوان الموجودة فى الورقة

 

4-تعليم الكسور :

الام هتكتب مجموعة من الكسورفى ورق وهتطلب من الطفل انه يعمل الكسور ده بالمكعبات
الناس اللى ولادها فى تانية ابتدائى بيبقى عليهم سؤال اسمه لون الكسر ممكن يعمله افضل بالمكعبات هيبقى مسلى اكتر

 

montessori rods-5

اللى بتستخدم فى تعليم الاطفال الماث

 

6-تعليم الأشكال :

المربع والمثلث والمستطيل

 

ازاى نفهم الطفل مفهوم الكسور ؟

ازاى نفهم الطفل مفهوم الكسور ؟

 

الاول هنفهمه يعنى ايه كسر 

يعنى جزء من حاجة يعنى حته من الشيكولاتة او جزء من تفاحة مثلا 

تانى حاجة الجزء ده ممكن يكون كبير وممكن يكون صغير هنحدد حجمه ازاى 

هناخد مثال تفاحة ونشرح عليها 

الاول هنقعطها نصفين هنسأل الطفل عن عدد القطع هيقول اتنين هنقوله ده المقام او لو الصغير هنقوله ده الرقم اللى تحت 

هتدى الطفل قطعة وهتساليه انت اخدت كام قطعة هيقولك واحدة هيبقى ده البسط او الرقم اللى فوق 

وبعد كده هتعرفيه ان ده اسمها نصف الكمية او النصف وهتوريه ان الجزئيين متساويين فى الحجم.

 

ممكن تعملى عجينة زى اللى فى الصورة وتبدأى تعلميه عليها بقية الكسور 

يعنى التلت هتقطعى العجينة 3 قطع وهكذا 

وده مجموعة من الانشطة مختلفة علشان يفهم معنى الكسور

 لمتابعة المزيد من الموضوعات الممتعة:
https://scienceducation1.blogspot.com.eg/
https://www.facebook.com/Active-learning-1869637769936382/

ازاى نربى متعلم مستقل

ازاى نربى متعلم مستقل 

يعتقد الكثير من الناس انه كلما شارك فى تعلم اولاده كلما كان ذلك افضل لهم ولكن تشير بعض الدراسات الحديثة ان مساعدة الاباء لاطفالهم فى عملية التعلم بصورة  مبالغ فيها قد تضرهم اكثر من ان تنفعهم 

ما هى فوائد التعلم المستقل للاطفال :

1. تحسين أدائهم الاكاديمى 
2. زيادة التحفيز والثقة بالنفس 
3. معرفة الطفل لقدراته وكيفية استخدامها والتحكم فيها 
4. تعزيز اندماج الطفل الاجتماعى والتغلب على العزلة 
5. تعلمه كيفية وضع اهداف وتحقيقها والنجاح فيها 

لا يستطيع الاطفال الاعتماد على انفسهم فى عملية التعلم بين يوم وليلة ولكن لابد من الاعتماد على الوالدين اولا ثم يقوم الوالدان بتعليمهم المهارات اللازمة لتعليمهم التعلم المستقل والاعتماد على الذات ويحدث ذلك تدريجيا 

واليكم بعض الاقتراحات لتعليم الاطفال التعلم المستقل والاعتماد على الذات 

ارفع يدك عنهم 

اعطهم الوقت للمحاولة والعودة لك مرة أخرى . ابتعدى عن الطاولة اذا طلبت منه ان يضع دائرة حول حرف الالف مثلا . ما ان يضع دائرة حول حرف الالف لاول مرة ابتعدى عنه ليكمل الحل بنفسه 

لا تخافى 

يمكن ان يحل مسائل الرياضيات خطأ ولكن لا يستطيع احد منع الفشل . حقا انه من الحكمة ان يكون امن ولكن علميه كيفيه الحل واتركيه يصنع ذلك بنفسه 

علمه الاجابة على أسئلته بنفسه 

عندما يبدى اهتماما بشئ جديد هواية مثلا  ويسأل أسئلة كثيرة حاول ان تشجعه ان يجد الاجابة بنفسه بأن تسأله 
تفتكر احنا ممكن نلاقى الحاجة ده ازاى او مين اللى ممكن يعلمهالنا ؟

خلق مساحة  للتعلم تشجع الاستقلال 

اذا كنت تريد ان يصبح اولادك مستقلين لابد وان تجعل المنزل معدا لذلك .هل الملابس والاحذية موجودة فى مكان يستطيعون الوصول اليه ؟ هل يستطيعون الوصول الى اطباقهم واكوابهم ؟ هل يعكس سلوكك معهم رغبتك فى تعلمهم الاستقلال ام يصيبك الاحباط بسبب العبث الذى يتسببون فيه

4 تحديات هندسية للاطفال

4 تحديات هندسية للاطفال 

(مناسب للاطفال من5-7 سنوات )

ما نحتاجه لعمل النشاط:

1. مكعبات خشب صغيرة
2. اكواب بلاستيك 
3. خافض لسان 

التحدى الاول : ( بناء تركيب بمكعب فى القاعدة ):

الام هتعمل هى النشاط اول مرة وبعد كده هيحاول الطفل يعمله او يعمل افكار مختلفة 

التحدى الثانى (استخدام اى حجم للقاعدة لبناء اطول تركيب ممكن ):

 التحدى الثالث ( تفاعل السلسة ) 

التحدى الرابع (بناء لمعرفة التوازن )

راب المقال الاصلى للامانة :
http://frugalfun4boys.com/2015/06/11/4-engineering-challenges-kids/#comments

نشاط لتعلم الارقام عن طريق الرماية

نشاط لتعلم الارقام عن طريق الرماية 

مناسب للاطفال من عمر 5-7 سنوات 

ده نشاط حلو للاطفال الحركيين  بيعلم الطفل التركيز والرماية وفى نفس الوقت بتعلم الارقام وسهل تنفيذه 

الحاجات اللى هنحتاجها لعمل النشاط : 

1. كرتونة مش محتاجنها هنعيد استخدامها 
2. كور بلاستيك 
3. مسدس شمع او حاجة تلزق 
4. بكر مناديل 

 الخطوات :

1. هنلزق بكر المناديل فى بعضه نعمل بيه عمود 
2. هنكتب الارقام اللى محتاجين الطفل يتعلمها على ورق ونلزقها على بكر المناديل 
3. نضع الكور على بكر المناديل 
4. هنطلب من الطفل ان يصوب على الكرة الموجودة على عمود معين 

رابط الموضوع الاصلى للامانة :
http://frugalfun4boys.com/2016/11/24/knock-balls-nerf-target-game/

عمل أجهزة جسم الانسان بالصلصال

عمل أجهزة جسم الانسان بالصلصال